[A:64a]chos rje gtor ma mdzad pa'i drung du slebs nas phyag 'tshal ba'i rjes thogs su chos rje'i zhal snga nas dge bshes yong ngam gsungs/ mchis lags zhus pas ci la yong gsungs/ zhu rgyu cig bdog ces smras pas/ mdang gi de ma yin nam/ rgyal po dpe dkar kho cho 'phrul cig ston gyin 'dug pa yin te/ da nga dang 'phrad pas btub par yong / 'on kyang na tsha drag po cig yong dogs yod ces gsungs pa la de lo g.yag sde pa la bsnyung gzhi drag po 'grongs la khad pa cig byung nas de dngas pa tshun chad/ sgrub pa 'phel zhing bsod nams chen po byung ba la brten te/ g.yag sde ba na re/ de man chad chos rje sangs rgyas dngos yin snyam pa'i mi phyed pa'i dad pa yod ces gsungs par grags shing / dngos slob gzhan dag la yang 'di ni nges par 'jam dbyangs nyid do zhes shin tu thugs ches par snang ba yin no zhes bya ba gnyan stod 'dul ba seng ges bsgrigs pa'i gsung ngag gi rnam par thar pa las 'byung ngo / /gzhan yang dbu ma pa shes rab 'bum gyis gsung ngag rin po che lam 'bras zhus te bsgoms pas khams 'dus byung nas chos rje pa'i drung du phyin te/ khams 'dus 'di lta bu byung bas gegs sel gnang dgos zhes zhus pas/ gzhan ci yang mi gsung bar shes rab yod na khams 'dus rgyu med ces gsungs/ de nas de ka'i don la zhib tu bsam pas ting nge 'dzin gyi mchog rgyud la skyes so zhes kyang rnam thar las 'byung ste gzhan don mdzad pa'i rnam par thar pa phul du byung ba'o/ /gzhan yang lam 'bras nas