[A:59a]gdams pa dang / snye mo sgom chen pa sogs sgom chen pa mang pos zhus pa'i lan mdzad pa mang po dang / thub pa dang 'jam dbyangs sogs la bstod pa la sogs pa mang po mdzad do/ /de lta bu'i rtsom pa rnams kyang 'bad rtsol la mi ltos par 'byung ba dang / tshig nyung ngus kyang don rgya chen po ston pa dang / blun pos bltas na go sla bas don gsal ba dang / tshig gi rgyan bzang pos mkhas pa rnams yid 'phrog par byed pa dang / mkhas par rlom pa brgya'i blo gros phyogs gcig tu bsdoms pas kyang dpyod par mi nus pa'i don zab mo ston pa yin te/ 'phags pas/ rtsom pa 'di 'dra myur 'jug pa/ /glog 'gyu bas kyang ches myur zhing / /rtsol ba med par 'byung ba ni/ /mtsho ltar ngang gis lhun grub lags/ /de don phun sum tshogs gyur pa/ /rlom chen blo yi dbang po mchog /'gas kyang sngon chad ma dpyad pa/ /dpyod ldan gang gis rnam dpyad pa/ /yid gsal bgyid pa gangs ri'i rtser/ /nyi ma shar ba lta bu ste/ /kun nas dga' ba bskyed pa ni/ /bsam gtan ro myong lta bur mchis/ /zhes pa ltar ro/ /'on kyang bdag nyid chen po 'dis byis pa bde blag tu 'jug pa dang / bstod pa rgyud gsum 'khor lo'i 'grel pa sogs 'ga' zhig las gzhan gyis byas pa'i bstan bcos dang / rgyud kyi 'grel pa tshig re re nas 'byed pa ni ma mdzad cing / 'jam dbyangs/ rnam 'joms bir lugs/ khro bo dme brtsegs sgrub thabs nyung ngu cung zad ma gtogs dkyil 'khor chen po'i sgrub thabs dang / de'i cho ga sogs rgya cher ma