[A:51a]'di nyid la rdo rje 'chang chen po'i sa thob par byed pa'i thabs legs par shes pas/ brtson 'grus can lus 'di nyid ma spangs par phyag rgya chen po mchog gi dngos grub kyi lam du bkri bar nus pa dang / gzhan yang rgya gar gyi grub pa thob pa'i rnal 'byor gyi dbang phyug rnams la grags pa'i gdams ngag phal che ba dang / bod bgres po rnams la grags pa'i bka' gdams dang / zhi byed dang / rdzogs chen dang / phyag rgya chen po la sogs pa nas gcod kyi bar du yongs su grags pa'i gdams ngag thams cad thos shing khong du chud pa dang / lam de dag gis rim gyis pa dang cig car bar grags pa'i 'jug tshul thams cad kyang shes/ de dag gi nor ba dang ma nor ba'i gnad thams cad kyang phyin ci ma log par khong du chud/ de dag gi dmigs pa 'ga' zhig gis ni zhi gnas tsam bskyed nus/ la las ni nad phra mo tsam sel nus/ la las ni mi ma yin pa'i 'jigs pa thams cad las skyob nus/ la las ni phan sems tsam bskyed nus/ la las ni spros bral gyi rtogs pa phyogs re tsam bskyed nus/ la las ni gzugs med pa'i khams su 'phen pa tsam nus/ la las ni nyan thos dang rang sangs rgyas kyi lam tsam la 'jug nus/ la las ni bskal pa grangs med pa gsum phan chad du rim gyis 'tshang rgya ba'i rten 'brel tsam byed nus/ la las ni 'jig rten pa'i grub pa chen po brgyad tsam bsgrub nus/ la las ni 'jig rten las 'das pa'i grub pa chen po mthong ba'i lam gyi ye shes bskyed/ de yan chad bskyed nas tshe 'di nyid la rdo rje 'chang