[A:41]གུག་པ་དང༎
གཤོག་པ་ལྗང་ཞིང་ཟོར་བའི་དབྱིབས༎
མགྲིན་པ་ཁ་དོག་གསུམ་གྱིས་མཚན༎
ནེ་ཚོ་འདི་དག་ཚིག་འཇམ་ལྡན༎
བྱ་བའི་ཚིག་དོན་རྒྱས་པར་བཤད་ནས། ད་དེ་ལ་དཔེ་བརྗོད་རེ་སང་སྣོམས་བྱོན་ཞེས་དྲུང་ནས་ལོ་ཙ་བའི་གསུང་བྱོན་པའི་སང་དེ་ངེད་རྣམས་ཚོགས་སྐབས། རེ་རེ་ནས་དྲིས་མ་ལ་གནང་བའི་ཁམས་པ་སློབ་དཔོན་ཐང་ལ་ལེན་འདེབས།
མཆུ་ནི་ནག་ཅིང་གུག་པ་དང༎
གཤོག་པའང་ནག་ཅིང་ཟོར་བ་འདྲ༎
རྐང་པ་གཉིས་ཀྱང་ལྕགས་ལས་བྱས༎
བྱ་རོག་འདི་དག་ཚིག་རྩུབ་སྒྲོག༎
ཟེར་བས་དེར་ཚོགས་པ་ཀུན་བཞད་ཆ་ཆེ་ཞིང། པཎ་ཆེན་བློ་བརྟན་པ་ཡང། ཡང་ཡང་དེ་རང་སྐྱོར། དེ་རིང་ཇ་གྲལ་ལ་བཀའ་སྩལ་དུ་གསུང་དེ་གཅིག་པ་འབྱོན་པ་ཞིག་བྱུང་ཞེས་དྲུང་ཡིག་ཆོས་རྒྱན་བརྒྱུད་པའི་ངག་གོ༎
དེ་ནས་གྲྭ་ཚང་གི་ཆོས་དབར་བཏེག་སྒང་འཕན་ཡུལ་ལ་ཕྱིན། དེ་དུས་ནཱ་ལེནྡྲར་གཟིམས་ཁང་གྲྭ་ཚང་དང། རང་རེའི་ཁམས་པ་འགའ་རེ་འཐབ་རྩོད་བྱུང་ནས་སྤྱི་པས་བསྡུམས། ཆོས་རྗེ་གདན་ས་པར་ཇ་ཞུ་དང། གནས་སྒོ་སློབ་དཔོན་པས་བཀའ་ཆོས་འབྲེལ་ཙམ་ཞུས་གསུང་བ་བྱུང་ནས། རང་རེས་ཆོས་འབྲེལ་ཞུས་པས་ལམ་འབྲས་ཕྱག་མཆོད་ཀྱི་ལུང་ཅིག་བྱུང་བ། ངེད་རང་ཆོས་རྗེ་དགསདགེས་པོའི་ཐུགས་རྩོམ་ཆེ་རེ་ཀུན་ལ་བླ་མ་རིན་པོ་ཆེ་ལ། རྗེ་རོང་སྟོན་དང་ལྷན་ཅིག་བསྟོད་ར་ཆེ་རེ་ཡོད་པ་དེ་ལ་ཡིད་བག་ཙམ་མཇོར་བག་ཡོད་པས། ཆོས་འབྲེལ་ལ་ས་སྐྱ་པའི་ཆོས་སྤྱོད་དང། མཆོད་བརྗོད་ལ་དགེ་ལྡན་པའི་ཞལ་འཛིན་འདི་རང་ཚ་རེག་གྲང་རེག་ཏུ་སྣང་སྨྲས་ཚར་སོང་ཞེས། མཁན་རིན་པོ་ཆེ་ཉིད་ཀྱི་བཀའ་ལས་གསན་པ་ཐུགས་ལ་བཞག་ནས། ཕྱིས་ཆོས་རྗེ་དགས་པོའི་གསུང་རྩོམ་ཕར་ཚད་པར་དུ་བརྐོ་དུས་རོང་སྟོན་རྐྱང་བུ་ལས་གཞན་ཚིགས་བཅད་དག་དོར་ཅེས་ཀརྨ་ཕྲིན་ལས་པ་དངོས་ལས་ཡོལ་ཐེག་ཆེན་རྩེར་ཐོས་པ་ལས་ཀྱང་ངོ༎
དེའི་ཕྱི་ལོ་པཎ་ཆེན་རིན་པོ་