[A:214]པའིཕའི་བཀའ་སྩལ་གནང་ཞིང། སྟོན་བཞུགས་ལ་བལ་པོར་རྟེན་ལི་མ་རྣམས་བཞུགས་པའི་བཀྲ་ཤིས་སྒོ་མངས་བཞེངས་མིའི་བལ་པོ་བཟོ་བོ་རྣམས་འབོད་པ་ལ་ཆིབས་དཔོན་ཤཱཀྱ་བཟང་བ་ལ་བཀའ་ལུང་གནང་བས་ཕྱག་དམ་འཐེམས་པའི་ཆེད་གཉེར་ཆེ་བ་གནང་ཞིང། དེ་ལོ་ཕྱོགས་བྱོན་གྱི་སྐུ་དྲག་འགའ་ལ་ཀྱཻ་རྡོ་རྗེའི་རྒྱུ་དབང། ལམ་ཟབ། བིར་སྲུང། ནཱ་རོ་མཁའ་སྤྱོད་སོགས་ཀྱི་བྱིན་རླབས་དང། ཞུ་མི་སོ་སོའི་ངོར་སྙིང་པོ་དོན་གསུམ་གྱི་ཁྲིད་ལན་འགའ་བཟླས་ནས་གསུངས་ཤིང། དེར་མེ་མོ་ཡོས་ཀྱི་ལོ་vc: 1507ཤར་བ་པཎ་ཆེན་རིན་པོ་ཆེ་ཉིད་དགུང་ལོ་བརྒྱད་ཅུའི་མཐར་སོན་པའི་དཔྱིད་སོས་འབོད་མི་གནང་བའི་བལ་པོ་བཟོ་བོ་འདོད་པའི་ལྷས་ལས་མ་ལུས་པའི་དངོས་གྲུབ་ཡོངས་སུ་སྦྱིན་པའི་ལས་གྲྭ་ཚང་བ་ཞིག་ཀྱང་ཞབས་དྲུང་དུ་ལྷགས་ཤིང། ཡོས་ལོ་ཟླ་བ་བཞི་པའི་ཚེས་བཅུ་བདུན་གྱི་ཉིན་གཟའ་སྐར་དགེ་བ་ལ་མཆོད་རྟེན་སྒོ་མངས་ཀྱི་རུས་ཤིང་འཛུགས་པ་གནང། གཟིགས་རྟོག་ལ་ཕེབས་པའི་ཚེ། ཁྱེད་ཚོའི་མཆོད་རྟེན་གྱི་བུམ་པ་ཆུངས་པ་འདྲ་གསུངས་ནས་ཆེར་བསྐྱེད་པ་གནང་ཞིང། དེ་ཡང་འདྲ་འབག་ཐོག་མ་འདུ་ཁང་རྙིང་བར་ས་ལ་བཅོས། དེའི་ཕྱིར་དཔོན་དོན་གྱིས་ཤིང་ལས་དེ་ཇི་ལྟ་བར་བསྒྲུབས། དེ་རྗེས་བལ་པོས་ལག་འཕྲུལ་གྱིས་ཟངས་དངུལ་ལ་འཕུལ་བརྡུངས་བྱས་ནས་རིམ་སྤྱོདvc: or: sbyod?དུ་བཞེངས་པ་གནང་ལ། ཟླ་བ་ལྔ་པའི་ཉི་ཤུ་གཅིག་གི་ཉིན་ཆོས་ཁྲི་ཁར་ཕེབས་མ་ཐག་གྲྭ་པ་ཚོ་ཀློག་སྒྲོགས་ལ་ཚོགས་ཡོད་པས། ཆོས་སྒྲོགས་འབད་ལ་གྱིས། རང་རང་སོ་སོ་ལ་མི་དགོས་ནའང་བསྟན་པ་ལ་ཡང་སྐུ་ཆགས་ཡོང་གིན་སྣང་ངོ་གསུང་ཞིང། ངེད་ལ་མཚན་མ་ལོད་པོ་རང་ཞིག་བྱུང། ཐིབས་གནོན་མི་ཡོང་བར་བྱ་གཏོང་བ་དེ་ཨེ་དྲག་ཡིན་ཞེས་ཀྱང་གསུང་ངོ༎
འདི་སྐབས་རྣམ་ཐར་རྗེ་དབོན་མར་བྱམས་ཆོས་ལམ་རིམ་གྱི་ལུང་སྩལ་ཅེས་རྗེ་ཀུན་དགའ་རྒྱལ་མཚན་པས་སྔར་མ་གསན་པ་ནས་