[A:197]ཆེན་རིན་པོ་ཆེ་སྲིད་ཞི་མཉམ་པ་ཉིད་ཀྱི་ཐུགས་ཅན་དེ་ཉིད་ཀྱང་རང་རེའི་གཞན་སྣང་དུ་སྤྲུལ་སྐུ་ཞྭ་དམར་ནག་གི་ཕྱོགས་འཛིན་ཆེ་བ་རང་གིས་ཚུལ་སྟོན་པ་གནང་འདུག་པས་དེའི་རྟེན་འབྲེལ་ཡིན་པ་འདྲ། ལྕགས་ཕོ་སྤྲེའུའི་ལོ་vc: 1500སྤྲུལ་སྐུ་ཞྭ་དམར་བས་གསེར་མདོག་ཅན་གྱི་གོས་སྐུ་ལ་རབ་གནས་ཀྱི་མེ་ཏོག་སྡེ་པ་སྒར་པས་ནན་གྱི་ཞུ་བ་གནང་ནས་མཛད་ཕྱིན། སྔར་གྱི་གོས་སྐུའི་གཟི་བྱིན་དེ་གཏན་ནས་མེད་པའི་རླུང་ཚུབ་སོགས་ཀྱིས་བསྐྱོད་ཐུབ་ལ་མེ་ཏོག་གི་ཆར་ཆེན་པོ་འབབ་པའི་རྒྱུན་ཡང་མེད་དེས་ཀུན་སློང་བརྗོད་མིན་པར་བྱུང་བ་ཡང་རྗེ་ཞྭ་དམར་ཅོད་པཎ་འཛིན་པ། སྤྲུལ་སྐུ་ཞྭ་ནག་པ་དང་ཐུགས་འགྲས་ཨེན་ཙམ་གྱི་ཕྱི་ནང་གི་རྟེན་འབྲེལ་ཡིན་ངེས་གསུང། བདག་གསེར་མདོག་ཅན་དུ་ཡོད་དུས་དྲུང་ནས་རྣམ་པ་ཞིག་ཀ་འཛོམས་པ་ལ་གསུང་བ་ཐོས་ཤིང། ཞྭ་དམར་པ་སྡེ་པའི་དྲུང་གིས་ནན་བསྐྱེད་གནང་གསེར་མདོག་ཅན་ཚོར་སྤྱན་འདྲེན་ཞུ་དགོས་བྱུང་སྐབས། ཆོས་རྗེ་ཞྭ་ལུང་ལོ་ཆེན་པ་ཡང་ཞྭ་དམར་ཅོད་པཎ་འཛིན་པའི་ཕྱགས་ཕྱིར་ཡོད་པས་སྔར་ཞ་ལུ་གནས་བརྟན་ས་དྷུ་དྷྭ་ཛ་པས་སྙན་པ་བརྗོད་པའི་དབང་ལས་སེམས་ལྷག་པར་དད་པ་ཡོད་པས། དེ་དུས་བཀའ་འབྲེལ་ཞིག་ཞུས་པས། ངེད་རང་མཚན་ཉིད་པ་སྐམ་པོས་འདི་ལས་མི་ཤེས་གསུང། གང་བློ་མའི་ལུང་ཞིག་ཐུགས་ནས་གནང་གསུང་བ་ས་སྐྱ་བདག་ཆེན་རབ་མཛེས་པའི་དྲུང་དང་ཞལ་འཕྲོས་མཛད་སྐབས། བདག་ཆེན་དྲུང་གིས་འོ་ན་ཆོས་འབྲེལ་གཡས་ཆུང་བར་འདུག་ཞུས་པས། ཆོས་རྗེ་ཞྭ་ལུ་ལོ་ཆེན་པའི་གསུང་ནས། ག་རེ་འཇམ་དབྱངས་དངོས་བྱོན་ལ་འཇམ་དབྱངས་དངོས་ཀྱི་བསྟོད་པའི་ལུང་ཐོབ་པ་ལས་ལྷག་པའི་ཆོས་འབྲེལ་གང་ཡོད་གསུང་ཞེས་ཞ་ལུ་ལོ་ཆེན་པའི་དབོན་པོ་བའི་ངག་ལས་ཐོས་སོ༎
དགུང་ལོ་དོན་གསུམ་བཞེས་པའི་ལོ་ལ་ཡང་ལམ་འབྲས་ཀྱི་ཚོགས་ཆོས་