[A:172]སོ་དྲུག་གིས། ཀ་ཆེན་ཉི་ཤུ་རྩ་བཞིས་བཏེག་པ་ཡང་ལེགས་པར་གྲུབ་བོ༎
རབ་སྦྱངས་མཁྱེན་པའི་ཤིང་རྟའི་ཁ་ལོ་པས༎
ཉེར་དྲངས་ཡོངས་རྫོགས་བསྟན་པའི་ཉིན་བྱེད་ནི༎
གདུལ་བྱ་གླིང་བཞི་མུན་སེལ་དབང་པོའི་ཚུལ༎
རང་རང་སྐལ་བའི་པད་ཚལ་འབྱེད་པར་མཛད༎
རབ་བརྩེའི་དཀྱིལ་འཁོར་རྒྱས་པ་དག་པའི་ཐུགས༎
ཀུན་ལ་སྙོམས་པའི་ཕན་དགོངས་བསིལ་ཟེར་ཅན༎
རིང་ནས་དད་པའི་ཀུ་མུད་རྒྱས་པའི་གཉེན༎
མ་འདྲིས་ལུས་ཅན་ཡོངས་ཀྱི་བློ་མིག་གསལ༎
རྒྱུ་སྐར་བྱེ་བས་བསྐོར་བའི་ཟླ་བ་བཞིན༎
བདག་ཉིད་ཆེན་པོ་སློབ་མའི་ཚོགས་དང་བཅས༎
ཀློངགློང?་ཡངས་དབུས་གཙང་དག་པའི་ཞིང་ཁམས་འདིར༎
འགག་མེད་ཡོངས་ཀྱི་གཙུག་ན་ས་ལེར་བཞུགས༎
གང་དག་གང་བའི་ཡིད་མཚོ་རྙོག་བྲལ་བར༎
ཁྱོད་སྐུ་སྲས་བཅས་ཆུ་མཚོར་རྒྱུ་སྐར་དཔེ༎
ཡངས་དོག་སྤངས་པའི་སྣང་བའི་གཟུགས་བརྙན་ནི༎
ཕྱི་ནང་རྟེན་ཅིང་འབྲེལ་འབྱུང་ངོ་མཚར་རྨད༎
རབ་བཀྲ་ཆོས་ཀྱི་སྤྱན་ཡངས་གཟིགས་པའི་ཡུལ༎
རབ་འབྱམས་རྒྱལ་བའི་གསུང་མཛོད་མ་ལུས་པའི༎
རབ་ཕྲའི་གནས་ལའང་ཐགས་ཐོགས་མ་མཆིས་པས༎
རབ་མཆོག་མཁྱེན་པའི་རྩེར་སོན་ཁྱོད་ཞབས་མཆོད༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས༎ བསྔགས་པར་འོས་པའི་ཆ་ཤས་འགའ་ཞིག་ལས་རྗེས་སུ་བསྒྲགས་པའི་རབ་ཏུ་བྱེད་པ་ཉི་ཤུ་པའོ༎
Chapter 21: mkhas pa dang grub pa'i dpal 'dzin pa'i skabs
དེ་ནས་དགུང་ལོ་དྲུག་ཅུ་རེ་ལྔའི་སྟེངས་སུ་ཕེབས་པ་ཆུ་ཕོ་བྱི་བ་vc: 1492ལ་གཙུག་ལག་ཁང་དང་འདུ་ཁང་སོགས་ཀྱི་གྱེང་རིས་རྣམས་སྨན་ཐང་པ་ཡབ་སྲས་རྣམ་ཀྱིས་བསྒྲུབས་ཏེ། མདོ་བཀོད་དང་ལྟུང་བཤགས་ཀྱི་སངས་རྒྱས་སོ་ལྔ། སྨན་བླའི་བདེ་གཤེགས་འཁོར་བཅས་སོགས་སངས་རྒྱས་བྱང་སེམས་འབའ་