[A:158]རྗེ་དོན་ཡོད་དཔལ་བའི་ཚད་མའི་ཊཱི་ཀ་གཉིས་རང་རེས་དེ་སྔ་ཡན་ལ་ཚར་ལྔ་བཅུ་ལྷག་རེ་ལྕེ་ཐོག་ནས་སོང་ཡོད་དོ་གསུང་ཞིང། དེ་ཕྱིན་ཀུན་བཟང་རོལ་མཚོ་ཉིད་གནང་ངོ༎
ཊཱི་ཀ་འདི་ལ་ཕྱིས་ཀྱི་མཁས་པ་རབ་འབྱམས་གཞུང་ལུགས་བརྒྱ་པར་གྲགས་པ་སྟེ་ཆོས་རྗེ་དངོས་གྲུབ་དཔལ་འབར་བ་དང། ལྕགས་ཟངས་རབ་འབྱམས་པ་བསོད་ནམས་དཔལ་ལྡན་པ་གཉིས་ཀ་ཞལ་མཐུན་པར་ཤཱཀ་ཊཱིཀ་ཏུ་མཚན་གསོལ་ནས་ཆེ་བསྟོད་བསྔགས་གསུམ་བརྗོད་པ་དང་བཅས་འདི་སྟེངས་ནས་འཆད་ཉན་གནང་ངེས་ཡིན་ནོ་ཞེས་ཀྱང་གྲག་གོ༎
དེའི་ཕྱི་ལོ་vc: 1489དགུང་ལོ་རེ་གཉིས་ས་མོ་བྱ་ལོའི་སྐབས་སུ་སྔར་གྱི་མཚན་ལྟས་ལྟར་གཞན་ངོར་སྤྱན་མི་གསལ་བའི་ཚུལ་བསྟན་ཞིང། དེ་ཡང་ཐད་སོར་གཟིགས་པས་མི་ངོ་བདེ་བླག་ཏུ་མི་དགོངས་པར་སྤྱན་ཚབ་པས་བརྡའ་སྦྱོར་འབུལ་དགོས་ཤིང། ཡང་སྐུའི་མདུན་ངོས་ཀྱི་དངོས་སྤྱད་ཕྲ་བ་ཡང་གཟིགས་པ་ཞིག་ཡོད་པས། དེ་སྐབས་བཀྲ་ཤིས་བརྩེགས་པའི་ཉི་གྲིབ་མཚམས་ན་བཞུགས་པ་གནང་བ་ལ། རྒྱ་བར་མདའ་དཔོན་པས་སྐུ་དྲུང་དུ་བྱོན། སྒོ་གསེང་ནས་ག་ལེ་བལྟས་པས། པཎ་ཆེན་རིན་པོ་ཆེ་ཉི་ཤུར་ལ་བཞུགས་པའི་སྐུ་པང་ན་ན་བཟའ་ལ་སྤུ་ཡོད་པ་ཕྱིར་ཕྱག་གིས་གསོལ་བ་གནང་གིན་འདུག་པ་མཐོང་རྗེས། ནང་དུ་ཐལ་འོངས་ཕྱག་ཕུལ་བས་དེ་སུ་ཡིན་གསུང་བ་ལ། ཁོང་གིས་ཡོན་མཆོད་ཐུགས་སྣང་དག་པའི་ཤགས་ཀ་ཕུལ་ཏེ། བདག་སྤུ་ལས་ཕྲ་བ་དེ་ཡིན་ཞུས་ཟེར་རོ༎
དེ་ལོ་ལུགས་གཉིས་རྣམ་འབྱེད་ཀྱི་འགྲེལ་པ་དེའི་ཐུགས་རྩོམ་དང། སྔ་ཕྱིར་དབུ་མའི་ལྟ་ཁྲིད་ཆེ་ཆུང། བྱང་ཆུབ་སེམས་འགྲེལ། ཆོས་དབྱིངས་བསྟོད་པ་རྣམས་ཀྱི་འགྲེལ་བཤད། སྤྲིངས་ཡིག་བདུད་རྩིའི་ཐིགས་པའི་འགྲེལ་པ་དང། སྤྲིངས་ཡིག་ཚངས་པའི་འཁོར་ལོའི་ངེས་དོན་ལ་བདུད་རྩི་ཐིགས་པ་སོགས་ཀྱང་རིམ་པར་གནང། དེ་སྐབས་དྲུང་ནས་ཆོས་ཀྱི་བཟང་པོ་བས་གསོལ་ཇ་ལ་སྤྱན་འདྲེན་