[A:154]འགྲེལ་བཙུན་མོ་པར་ཞིག་གཡར་པོ་སྩལ་བ་བསྣམས་ནས་གནས་ཚང་དུ་བྱོན། མར་མེ་བཏེག་ནས་གླེགས་བམ་ཞལ་ཕྱེ་བས་ཐུགས་ལ་ཡོད་པ་འདྲ་བ་ཞིག་འདུག། ངས་ནི་སྔར་དཔེ་ཡང་མ་མཐོང་དགོངས། དེ་ནུབ་ཞལ་བལྟབ་བསྡད། སང་དེ་གྲྭ་གཡོག་ལ་བསམ་གྲུབ་རྩེ་པ་དགེ་འདུན་རྒྱལ་མཚན་ཟེར་བ་ཡོད་པ་གཞོན་ནུ་བཅུག་པས། ཚིག་འབྲུ་གཅིག་ཀྱང་མ་ཆད་པར་གཙང་སངས་ཐོན། དེར་ཞག་བདུན་ཙམ་ནས་ལས་ཆེན་པ་ལ་རྒྱུགས་ཕུལ་བས་ཧ་ལས་ལས་མཛད། གྲྭ་སྐོར་ཐོངས་རྗེས། པཎ་ཆེན་རིན་པོ་ཆེ་ལ་རྒྱུ་མཚན་ཕུལ་དུས། ན་ནིང་ནས་ཁྱེད་ཀྱི་སྐྱེ་བ་སྔ་མ་དེ་རིགས་གཏེར་རང་འགྲེལ་ལ་སྦྱངས་པའི་བག་ཆགས་ཀྱི་ལས་འཕྲོ་ཞིག་ཡོད་པར་གོ། ད་ཚེ་མཇུག་ལ་བསྒྲུབ་པ་ཅིག་བྱས་ན་རྗེ་བཙུན་མི་ལའི་རྣམ་ཐར་འཁྱོངས་པ་ཞིག་ཡོང་བར་སྣང་གསུང་བ་ཐུགས་ལ་བཞག། མངའ་རིས་སུ་མི་ལོ་ཆེན་པོ་བཞི་བཅུའི་བར་འཚོ་བ་བྱེ་མའི་བཅུད་ལེན་འབའ་ཞིག་ལ་བརྟེན་ནས་བསྒྲུབ་པ་མཐར་ཕྱིན་ཞིང། རྗེ་བཙུན་ཆེན་པོ་མི་ལ་རས་ཆེན་གྱིས་ཟྭའི་དཀའ་ཐུ་བོ་ལོ་དགུ་ཀ་ཡིན་དུས། དཀའ་སྤྱད་ཞེ་དམ་མི་ལ་ལས་ཆེས་ཆེ་བར་དངོས་སུ་གྲུབ། པཎ་ཆེན་རིན་པོ་ཆེའི་ཞབས་ཟིན་ལ་བསྒྲུབ་པའི་རྣམ་ཐར་འདི་ལས་ལྷག་པའི་ཞལ་སློབ་གཅིག་ཀྱང་མ་དམིགས་སོ༎
དེར་ཤིང་མོ་སྦྲུལ་ལོ་vc: 1485ནས་བརྩམས་ཏེ་མ་ཕམ་བྱམས་པའི་སྐུ་བཞེངས་པའི་ལས་ར་བཙུགས། པཎ་ཆེན་ཉིད་ཀྱི་བཀའ་སྲུང་གི་མཐུས་ནེ་པཱ་ལེའི་ལྷ་བཟོ་བ་བཞིས་ལེགས་པར་བསྒྲུབས་ཏེ། མེ་ཕོ་རྟ་vc: 1486མེ་མོ་ལུག་vc: 1487ཚུན་ལ་ལེགས་པར་མཐར་ཕྱིན་ཏེ། དགུང་ལོ་ང་དགུ་དང་དྲུག་ཅུའི་སྟེངས་སུ་བསྒྲུབས་ཤིང། བྱམས་སྐུའི་ཞབས་རྡོ་རྗེ་སྐྱིལ་ཀྲུང་ནས་བརྩམས་དབུའི་གཙུག་ཏོར་མཆོད་རྟེན་དང་བཅས་པ་ལ་པཎ་ཆེན་རིན་པོ་ཆེའི་ཕྱག་ཁྲུ་བཅུ་བཞི་ལྷག་ཙམ། པདྨ་ལ་ཕྱག་ཁྲུ་ཕྱེད་དང་གསུམ་དང་བཅས་པའི་ཚད་