[A:13]ངང་གིས་མཛེས༎
བྱམས་མགོན་ཆོས་ཀྱི་བླ་མའི་ཞལ་བཟང་ལས༎
དངོས་སུ་གསན་པའི་ཏིང་འཛིན་སྒོ་བརྒྱ་པ༎
རེ་ཞིག་གཏད་ནས་མི་གཟུགས་རྗེས་སློབ་པ༎
མགོན་ཁྱོད་མཉམ་པར་མ་གཞག་ཐུགས་མིན་ནམ༎
ལྷ་བུ་ཡིད་འོང་ཁྲོ་མེད་དག་པའི་འཁོར༎
དགའ་གནས་ཆོས་ཀྱི་གྲོགས་པོ་ཡོངས་བཏང་ནས༎
ཁྲོ་གཏུམ་རྒོད་བག་སྙིགས་མའི་གདུལ་བྱ་ཡིས༎
ཁྱོད་ཐུགས་སུན་དབྱུང་བགྱིས་པ་མ་ལགས་གྲང༎
དེ་ལྟ་ན་ཡང་མཉམ་ཉིད་ཐུགས༎
ནམ་མཁའི་དབྱིངས་ལྟར་ཡོངས་ཁྱབ་པས༎
སྲིད་དང་ཞི་བ་མཉམ་པ་ཉིད༎
གཟོད་ནས་རབ་ཞིའི་དེ་ཉིད་གཟིགས༎
ཞེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། འཁྲུངས་པའི་སྐབས་ལས་བསྒྲགས་པའི་རབ་ཏུ་བྱེད་པ་གཉིས་པའོ༎ ༎
Chapter 3: gzhon nu'i skabs
དེ་ནས་རང་གི་ཞང་པོ་དགེ་བཤེས་དོན་གྲུབ་དཔལ་བཟང་ཞེས་པ་དེ་ཉིད་ཁམས་པའི་གྲྭ་ཚང་ན་ཡོད་པའི་སྤྱིལ་བུར་བྱོན་ནས་ཀློག་ཡིག་སོགས་བསླབས་སྦྱངས་ཀྱི་སྒོ་བརྟེན་པའི་མཛད་པས་དཀའ་བ་གང་ཡང་མེད་པར་ལེགས་པར་ཐུགས་སུ་ཆུད་ཅིང། རྗེ་ཉིད་ནི་རོང་སྟོན་ཆེན་པོའི་ཞལ་སློབ་ཏུ་འདུག་པའི་མོས་ཞེནཞན་གྱིས་འགའ་ཁང་པའི་སློབ་དཔོན་བསོད་ནམས་ཚུལ་ཁྲིམས་པའི་དྲུང་ཉིད་དུ་ཕྱག་སྟོབ་པ་དང། བློ་གསར་གྲྭ་སྐོར་གྱི་ཟིན་ཐུན་ཞལ་སློབས་ལེན་པ་སོགས་རྒྱུན་ལྡན་དུ་གནང། སྤང་ཁ་ཆོས་སྡིངས་སུ་ཕེབས་པའི་སྐབས་ཙམ་ན་ཁྱིམ་པའི་ཆས་དག་མིག་རས་ཀྱི་རྩ་ལྟར་རྒྱངས་བསྲིངས་ཏེ་ངུར་སྨྲིག་གོས་མཆོག་འཛིན་པར་མཛད། རང་མཉམ་ཀྱི་བྱིས་པ་མ་ལུས་པས་སློབ་མའི་རྣམ་པར་ཞབས་འབྲིང་དུ་བསྐོར་བ་ལ། ཚིག་འབྲུ་བཟང་པོས་ཆོས་ལས་བརྩམས་པའི་ངག་ཚིག་ཕུན་སུམ་ཚོགས་པ་རྒྱ་ཆེར་སྩོལ་ཞིང། ནུབ་ཀྱི་ཕྱོགས་ལ་མཛུབ་མོས་བརྡའ་གཞལ་ཏེ་ངའི་གདུལ་བྱ་ཡང་དེ་ན་ཡོད་དོ་གསུང། དེར་ནུབ་ཕྱོགས་ལ་ཕྱག་མཛུབ་གཏད་པའི་རྗེས་