[A:423]བརྟན་པ་སྤྱན་དྲངས། བརྒྱ་འབུལ་ཆེན་པོ་དང། ཚོགས་པ་གཞུང་མ་ལ་ཞོ་ཕྱེད་རེ་དང། ཕྱོགས་བཅུ་བ་ལ་བཞི་ནམ་རེའི་འགྱེད་རྗེ་ཐམས་ཅད་མཁྱེན་པའི་དུས་ཀྱི་གཞིར་བཞག་ཙང་ཕྱོགས་སུ་གདན་ས་ཆེན་པོས་ཐོགས་དྲངས། ས་སྐྱ་པའི་མདོ་སྔགས་ཀྱི་གྲྭ་ས་ཆེན་པ་རྣམས་སུ། བླ་མ་སོ་སོ་ལ་འབུལ་ཆེན་དང། ཆོས་འཆད་དག་ལ་རྣམ་གཞག་རྒྱ་ཆེར་མཛད། ཤིང་ཕོ་ཁྱིའི་vc: 1454ཧོར་ཟླ་བཞི་པ་ལ། ནཱ་ལེནྟྲའི་ཆོས་རྫོང་དང་འདབས་འགྲེལ་གྱི་སའི་འབུར། སྔོན་ཐུགས་སྦྱོང་མཛད་དུས་ཉིན་བར་གྱི་བཞུགས་གནས་ངེས་པ་ཅན་དེར། དྲིའི་གཙང་ཁང་ཀ་ཆེན་གཉིས་པ། ཁྱམས་ཀ་བ་བཅུ་དྲུག་དང་བཅས་པ་བཞེངས། དེར་སྐུའི་རྟེན་ལམ་འབྲས་བརྒྱུད་པའི་ལྷ་ཚོགས། གསུང་གི་རྟེན་སངས་རྒྱས་ཕལ་པོ་ཆེའི་གླེགས་བམ་ཚང་མ། ཐུགས་ཀྱི་རྟེན་དངུལ་གྱི་གདུང་ཁང་མཐོ་བཅུ་གསུམ་པ། མཆོད་པའི་ཡོ་བྱད་ཤིན་ཏུ་དངོས་གཙང་ཞིང་རྣམ་གྲངས་མང་བ། རྣམ་དཔྱོད་ཅན་ཡིད་འཕྲོག་པ་དག་གྲུབ་པར་མཛད་དོ༎
ས་གའི་ཉ་ལ་ཆོས་ཀྱི་རྗེ་བློ་གྲོས་རྒྱལ་མཚན་དཔལ་བཟང་པོ། སྔགས་འཆང་བརྒྱ་ཕྲག་གཅིག་གི་འཁོར་དང་བཅས་པས་གསང་བ་འདུས་པའི་སྒྲུབ་མཆོད། རབ་ཏུ་གནས་པའི་ཆོ་ག་བཀྲ་ཤིས་རྒྱ་མཚོའི་སྟེངས་ནས་རྒྱས་པར་བསྒྲུབས། འདུས་པ་རྒྱ་མཚོའི་ཚོགས་ལ་དགའ་སྟོན་གྱི་རྣམ་པར་བཞག་པ་རྒྱ་ཆེན་པོར་མཛད་པའི་སྟེངས་སུ་བཤེས་གཉན་གཉེནགཉན་མཁས་པའི་དབང་པོ་རྣམས་ཀྱིས་ལེགས་པར་བཤད་པའི་ཆོས་ཀྱི་འགྲོ་བ་མང་པོ་དང། མདོ་སྔགས་ཀྱི་སྒོ་དུ་མ་ནས་གླེང་བསླང་བའི་འབེལ་གཏམ་གྱི་བཀའ་མཆིད་ཞག་གྲངས་དུ་མར་སྦྲེལ་ཏེ་མཛད། དུས་དེ་ཙམ་ནས་བཟུང་ནས། དུས་ཆེན་གྱི་སྟེང་དུ་དཀྱིལ་འཁོར་མང་པོ་བཞེངས་པའི་སྒྲུབ་མཆོད། འདུས་པ་རྒྱ་མཚོའི་ཚོགས་ལ་བསྙེན་བཀུར་གྱ་ནོམ་པ་ཟུང་དུ་སྦྲེལ་བ་ཟླ་དུས་ཚང་བའི་མང་ཇའི་རིམ་པ་རྣམས་ཚུགས། དུས་ཇི་སྲིད་པའི་བར་དུ་རྒྱུན་མི་ཆད་