[A:56]ཕལ་ཆེ་བས་ཆོས་གསན། རྗེ་རིན་པོ་ཆེའི་གསུང་བགྲོས་ཐམས་ཅད་ཐུགས་ལ་མངའ་བར་གྲགས། མཚལ་མིན་པ་ལ་དུས་འཁོར་གྱི་ཆོས་སྐོར་ཡང་དེ་སྐབས་སུ་གསན་པ་ཡིན་ཞིང། སླར་ཡང་བཟད་བློ་པ་ལ་སློབ་དཔོན་དབྱིག་གཉེན་གྱི་གཞུང་ལུགས་ལ་མཁས་པར་མཛད། རང་ལོ་སོ་གསུམ་པ་ལ་རྗེ་གོང་མའི་ཕྱག་ཕྱིར་སྙེ་ཕུ་ཤུག་གསེབ་ན་བཞུགས་པའི་ཚེ། གསང་ཕུ་གླིང་སྨད་བགྲོས་རྙིང་པས། མཁས་པ་རཏྣ་ཤྲཱིའི་གདན་སར་སྤྱན་དྲངས། ས་མོ་བྱའི་ལོ་ནས་ཆུ་མོ་ཕག་གི་བར་ལ། ལོ་བཅོ་ལྔར་གསང་ཕུར་འཆད་ཉན་མཛད། ཕག་ལོ་ནས་རྟ་ལོའི་བར་ལོ་བརྒྱད་ཤྲཱི་ན་ལེནྟྲ་དང་གླང་རི་ཐང་དུ་ཕེབས་ནས་བྱ་བྲལ་བཤད་ཉན་དང། ཟུར་ཆོས་ཀྱི་སྦྱོར་རྩི་མཚལ་པ་རིན་རྒྱལ་གྱིས་མཛད། འབྲུག་ལོ་ལ་རྗེ་རིན་པོ་ཆེ་གོང་མ་བདེ་བར་གཤེགས་པས་ཐུགས་སྐྱོ་ནས། རྗེ་ངོར་པ་ཆེན་པོ་མཇལ་བ་ལ། དཔོན་སློབ་སུམ་ཅུ་ཙམ་གྱིས་ཨེ་ཝཾ་ཆོས་ལྡན་དུ་ཕེབས། རྗེ་གོང་མའི་ཞལ་ནས་ས་སྐྱ་དགའ་ལྡན་གྱི་འཆད་ཉན་ལ་བྱོན་ན་ལེགས་ཞེས་གསུང་ཡང་ཨེ་ཝཾ་ཉིད་དུ་ཆོས་གསན་པ་དང། མཚན་ཉིད་ཉན་བཤད་སྒྲགས་ནས་མཛད། དེ་ནས་ཆུ་ཕོ་སྤྲེའུའི་ལོ་ལ། བྱམས་ཆེན་ཆོས་རྗེ་དང། དྲུང་ཆེན་ནོར་བུ་བཟང་པོ་ཡོན་མཆོད་ཀྱིས། བྲག་དམར་ཆོས་སྡེའི་འཆད་སྙན་ལ་སྤྱན་དྲངས། འཆད་ཉན་པའི་ཞིང་ཁང་ཕུལ། ཆོས་དབར་པན་གྱི་ཁྱུང་ཚང་དུ་མཛད། དེ་ནས་ལོ་བདུན་ལོན་པ་སྟག་གི་ལོ་ལ། རྒྱ་གན་ནང་པས་ཟི་ལུང་དུ་སྤྱན་དྲངས། ས་ཕུག་དང་ས་ཞིང་སྐུ་ཁམས་ནམ་བཟང་གི་བར་དུ་ཕུལ། དེའི་ཚེ་ཟུར་ཆོས་པ་ནི། ཐོག་མར་མཚལ་པ་ཤེས་རིན། དེ་རྗེས་རྒྱལ་རོང་པ་བློ་གྲོས་སེང་གེ། དེ་རྗེས་ཉང་སྟོད་པ་ཟླ་བ་སེང་གེ་རྣམས་ཀྱིས་མཛད། དེ་དག་ནི་སྤྱི་པའི་ཡིན་ལ། ཕྱིས་རྟིང་བཤེས་གཉེན་ཆོས་ཀྱི་བཟང་པོ་ལ་སོགས་སོ་སོར་ངེས་པ་དུ་མ་བྱུང་ངོ༎
དེ་དག་གི་སྐབས་སུ་སྡེ་སྣོད་ཀྱི་ཆོས་གསུང་པ་ནི། གོང་དུ་སྨོས་པའི་བསླབ་སྦྱངས་མཐར་ཕྱིན་ནས་ཐུགས་ལ་