[A:359]ཁོ་བོས་འཆད་ཉན་ཅིག་ཨེ་ཡོང་བསམ་དགོན་པ་བཏབ་པ་ལ་གདན་ས་བ་དང། འཆད་ཉན་པར་རློམ་པ་ཐམས་ཅད་གྲོང་ཆོག་དང། དབང་བསྐུར་བྱེད་ཟེར་ནས་ཟི་རི་ཐ་ར་རྐྱང་བྱེད། འཆད་ཉན་པ་ང་རང་མིན་པ་མེད། ང་ནི་མྱུར་དུ་འཆི། ཁྱོད་རང་འདི་ཁོ་ནར་སྡོད་ལ་འཆད་ཉན་གྱིས་ཅེས་གསུངས།
དེ་ནས་ཧོར་ཟླ་བཅུ་གཉིས་པའི་ཚེས་གཅིག་གི་མཚན་མོ་ས་ཆེན་པོ་གཡོས། གཟིམ་ཁང་ལ་གས་པ་བྱུང། ཚེས་གསུམ་གྱི་དགོངས་མོ་ཟླ་བའི་འོད་ཟེརཟར་དང་འགྲོགས་པའི་འཇའ་དཀར་པོ་གཅིག་གཟིམ་ཁང་ལ་ཟུག་པ་རོང་པོ་བློ་ལྡན་གྱི་ས་མཐོང། ཚེས་བཞི་དང་ལྔ་ལ་ཡང?ལང་དེ་ཁོ་ན་ལྟར་འདུག། ཐེ་ཚོམ་ཟོས་ནས་ཞག་ཤས་གཅིག་མཚན་ཐོག་ཐག་སྐོར་བ་བྱས་པས། ཐོ་རངས་ཀྱི་དུས་སུ་གླུ་ལེན་གྱིན་གཟིམ་ཁང་ལ་སྐོར་བ་བྱེད་པའི་རྗེས་མི་ཟིན་པ་འགའ་ཞིག་སྣང། དེའི་ཕྱི་ཉིན་ཉི་མའི་འོད་ཟེར་འཐུག་པ་རང་གི་ཐད་ན། མེ་ཏོག་གི་ཆར་པ་ས་ལ་མི་འབབ་པ་མང་པོ་སྣང། དེ་ནས་དཀའ་བཅུ་པ་བློ་ལྡན་གྱིས་འཕྲད་པ་ཐམས་ཅད་ལ་འདི་འདྲ་འདུག་ཅི་ཡིན་བྱས་པས། ཕལ་ཆེར་གྱིས་ཅི་ཡང་མི་ལྟོ་ཟེར། མི་ནག་པ་རྒན་པོ་ཅིག་ན་རེ། གཞན་ནི་མི་ཤེས་མཚན་མོ་འཇའ་ཟུག་པ་དེ་ལྟས་ངན་ཡིན་ཟེར། དེ་ནས་ཁོང་གིས་ནང་སྐོར་བ་རྣམས་ལ་འདི་སྐད་ཅེས། མདང་སང་ཟི་རི་ཐ་ར་མང་པོ་རང་འདུག། སྐུ་རིམ་འདྲ་ཨེ་དགོས་བྱས་པས་ཁོང་རྣམས་ན་རེ། ཁྱོད་དྲུང་ནས་ལ་མཐོང་ཤིན་དུ་ཆུང་བར་འདུག་ཅེས་ཟེར། དེ་ནས་སློབ་དཔོན་དཀའ་བཅུ་པ་བློ་རིན་གྱིས། རྗེ་ཉིད་ལ་ཞུས་པ། དགེ་བཤེས་བློ་ལྡན་ལ་སོགས་པ་མང་པོས་མཐོང་ཙ་ན། མདང་སང་ལྟས་སྣ་ཚོགས་ཅིག་འདུག་ཟེར། བསྙུང་གཞི་འདྲ་བྱུང་དོགས་ཡོད་པས་ཐུགས་དམ་ལ་བསྒྲིམ་པར་ཞུ་