[A:319]བཞིན་སྒྲུབ་བྱེད་དག༎
དག་པའི་ཆོས་ལ་ཆོས་ཀྱི་རྗེས་འབྲང་བློ༎
བློ་གསལ་དེ་ཀུན་ཀུན་མཁྱེན་ཆོས་རྗེའི་སྲས༎
1.2.5.1.2
ཆོས་གང་དང་གང་གསུངས་པའི་རྣམ་གྲངས།
གཉིས་པ་ནི།
རྒྱ་མཚོར་མི་འདུ་ཆུ་བོ་དེ་གང་ཡིན༎
དེ་ལས་མི་འབའ་ཆུ་ཀླུང་དེ་གང་ཞིག༎
ཁྱོད་བློས་མ་བསྡུས་དམ་པའི་ཆོས་དེ་ཅི༎
ཁྱོད་ཀྱིས་མ་གསུངས་ཆོས་ཚུལ་གང་དེ་སུ༎
མཁས་པར་མཁྱེན་ནས་གཞན་དག་མཁས་བྱའི་ཕྱིར༎
རང་གིས་མཁྱེན་དེ་རང་དབང་མི་མཛད་པར༎
བློ་གསལ་ཡོངས་ཀྱི་བློ་མཚོ་སྤེལ་བརྩོན་པའི༎
བཤད་མཁས་ཁྱོད་ཀྱིས་བཤད་ལ་ཕྱག་འཚལ་ལོ༎
འདི་ལ་གཉིས་ཏེ། 1.2.5.1.2.1
ཐུན་མོང་བ་མཚན་ཉིད་ཐེག་པ་དང་འབྲེལ་བའི་ཆོས་གསུངས་པའི་ཚུལ་དང། 1.2.5.1.2.2
ཐུན་མོང་མ་ཡིན་པ་སྔགས་ཀྱི་ཐེག་པའི་ཆོས་གསུངས་པའི་ཚུལ་ལོ༎
1.2.5.1.2.1
ཐུན་མོང་བ་མཚན་ཉིད་ཐེག་པ་དང་འབྲེལ་བའི་ཆོས་གསུངས་པའི་ཚུལ།
དང་པོ་ལ་1.2.5.1.2.1.1
ཆོས་ཀྱི་རྣམ་གྲངས་གང་གསུངས་པ་དང། 1.2.5.1.2.1.2
གནས་གང་དུ་ཡོན་གྱི་བདག་པོ་སུས་མཛད་པའོ༎
1.2.5.1.2.1.1
ཆོས་ཀྱི་རྣམ་གྲངས་གང་གསུངས་པ།
དང་པོ་ནི། ཡུལ་དབུས་ཀྱི་ཆོས་སྡེ་གྲགས་ཆེ་བ་རྣམས་སུ་གྲྭས་སྐོར་མཛད་པའི་པོ་ཏིའི་གྲངས་ནི་བཅུ་ཁོ་ན་ཡིན་ལ། རྣམ་བཤད་མཛད་པའི་པོ་ཏིའི་ནི་བཞི་བཅུ་ཐམ་པ་ཡོད་དོ༎
དེ་དག་གི་སྟེང་དུ་རྣམ་བཤད་མི་མཛད་པའི་གཞུང་ལུགས་འདུལ་བ་མདོ་རྩ་བ་དང། འོད་ལྡན་དང། ཚིག་ལེའུར་བྱས་པ་ལྔ་བཅུ་པ་དང། མངོན་པ་ཀུན་ལས་བཏུས་དང། བྱང་ཆུབ་སེམས་དཔའི་ས་དང། རྣམ་པར་གཏན་ལ་དབབ་པ་བསྡུ་བ་དང། ཕུང་པོ་ལྔའི་རབ་ཏུ་བྱེད་པ་དང། སྟོང་ཕྲག་ཉི་ཤུ་ལྔ་པའི་མདོ་དང། འཕགས་པ་བརྒྱད་སྟོང་པ་དང། དེ་དག་གི་འགྲེལ་ཆེན་གཉིས་དང། བྱང་ཆུབ་སེམས་དཔའི་སྤྱོད་པ་ལ་འཇུག་པ་དང། བསླབ་པ་ཀུན་ལས་བཏུས་པ་དང། དབུ་མ་རིན་པོ་ཆེའི་ཕྲེང་བ་དང། བཞི་བརྒྱ་པ་དང། དབུ་མ་སྣང་བ་དང། ཚད་ཆེན་དང། སྒྲའི་བསྟན་བཅོས་ཀ་ལཱ་པ་དང། སྙན་ངགས་ཀྱི་བསྟན་བཅོས་མེ་ལོང་དང།