[A:14a]zhing dang ba 'dren pa mang po skyes 'dug pa las/ lo ma gcig zhal du bcug nas myangs pas/ ja bzang po'i bro ba 'dra ba la rjod mi shes pa'i bro ba gzhan yang yod pa/ zos pa tsam gyis thugs rig dwangs shing bde ba'i nyams skye ba/ gzhan 'dod yon thams cad la chags pa dang bral bar byed pa'i ya mtshan can du 'dug nas/ de la sgrub rgyags mdzad pas/ zas skom gnyis ka'i go chod de/ sku [B:30] legs par bzhos shing gzi mdangs dang [C:282]stobs kyang 'phel bar gyur la/ thugs dam gyi rim pa ni 'bad rtsol mi dgos par shin tu 'phel bar byung bas/ thugs dgongs la zas ya mtshan can 'di phyir yul la thegs dus cung zad bsnams nas/ slar len par btang la mi'i yul rnams su ngo mtshar ba'i zhim zas mdzad do dgongs pa shar ba la/ ji srid gnas der bzhugs kyi ring la ni ri klung mtha' dag gang 'dug kyang / phyir thegs kar bsnams rgyu btsal bas lo ma gcig kyang ma rnyed pa/ phal cher mkha' 'gros bsgrub rgyags la sprul nas sprul pa bsngus pa yin nam snyam gsung bar grags te/ de kho nar gor ma chag go /de ltar dpa' bo mkha' 'gros sprul pa'i sgrub rgyags la brten te/ mi zas la sred pa skyungs nas sgrub pa la rtse gcig tu gzhol bar mdzad pas/ zab mo'i thugs dam rin po che gong du 'phel ba las zab cing zhi ba spros pa dang bral ba'i 'od gsal chen po 'dus ma byas shing lhun gyis grub pa'i bdud rtsi mngon sum du brnyes te/ gnas 'di nyid du gnas lugs don gyi rtogs pa mngon du gyur pa'i rdo rje'i gsung mgur kyangyang mang du gsungs so/ /de ltar zab mo'i ting 'dzin