[A:47b]dag dang mthun pa'i tshad ldan gyi skye brgyud som nyi dang bral ba yin zhing / de las gzhan pa'i khungs kyi yi ge yid ches can bstan rgyu yod pa dka' bar snang bas/ des na rtog bzo mkhan rnams smra ba bskyung ste gzu bor gnas pa'i blos bsam par rigs so/ /de dag gis ni sngon byung gi lo rgyus bstan zin nas// //gnyis pa rgyud las bstan tshul ni/ mgon po 'di nyid la gur gyi mgon po zhes mtshan 'dogs pa'i rgyu mtshan yang / ston pa rdo rje 'chang chen po nyid kyis rdo rje gur gyi rgyud gsungs pa'i dus su de nyid kyi srung mar nag po chen po 'di nyid sprul nas mgon po 'di nyid kyi sgrub thabs rgyud de'i le'u bco lnga pa dkyil 'khor chen po bsdus pa'i rtog pa las bka' bstsal pa ni/ nag po chen po 'di nyid kyi rgyud rnams kyi gtso bo'am snying po lta bur gyur pa yin te/ de yang bcom ldan 'das rdo rje 'dzin pa chen pos/ nag po chen po 'di nyid kyi sku dang gsung dang thugs rdo rje las