[A:45b]du byon dus lo tsA ba rin chen bzang po nas brgyud/ bla ma mal gyi bka' srung byas so/ /zhes rkyal 'bud man ngag gi lo rgyus kyi yi ge rnying ma las 'byung ngo / /de ltar lo rgyus sam skye brgyud 'di rnams mthu stobs kyi dbang phyug dam pa kun dga' grags kyis mdzad pa'i lo rgyus kyi yi ge gsum las 'byung ba bzhin brgyud par ldan pa'i bla ma dam pa'i gsung bgros kyis gsal bar byas pa yin no/ /'di dag gi khungs ni mgon po'i skye brgyud dur khrod nag po'i rgyud dang / dur khrod chen po'i rgyud kyi 'grel pa slob dpon rta dbyangs kyis mdzad pa/ bla ma gong ma'i gsung bgros thor bu ba yi ger bkod pa dag las gsal bar 'byung ngo / /kha cig drag po dbang phyug tu skyes pa sogs mi 'thad de/ gur las/ bcom ldan 'das kyi sku gsung thugs las byung ba'i mgon por bshad pas so/ /zhes pa ni rnam par ma brtags pa ste/ sangs rgyas kyi ye shes gcig nyid gdul bya'i rgyud