[A:210a] rgyud dri med kyis/ /rgyun du bskyangs nas dpal ldan sa skya yi/ /chos srid dpal 'byor yar ngo'i zla ba ltar/ /gong 'phel gyur te sngags 'chang yab sras kyi/ /bstan pa'i rgyun 'di nam yang mi nub cing / /bdag dang bdag la yid gtad slob bu rnams/ /nam zhig tshe 'di'i snang ba nub ma thag /bde ba can du snang ba mtha' yas kyi/ /drung du skyes nas sa lam mthar phyin te/ /slar yang bsam bzhin srid pa'i zlos gar gyi/ /sna tshogs thabs mkhas du mas bstan pa dang / /'gro ba'i don mang yid la re ba bzhin/ /'grub nas kun kyang dag pa'i zhing bsgrod shog /bdag cag so skye rang stobs bral yang bla ma bstan srung dbang po rnams/ /dbyer med thugs rje'i gzhan stobs dbang las 'di dang phyi ma'i don mtha' dag /yid la bsam pa ji bzhin 'grub ste sa skya'i rje btsun bstan pa'i rgyun/ /phyogs dus kun tu mi nub dar ba'i mthu dang nus pa'i stobs ldan shog /nges pa'i