[A:206a] rje bod mkhar ba gnyis kyis mdzad pa sogs dang / de dag gi gsal byed snying por gyur pa bdag gi bla ma mus chen rdo rje 'chang sangs rgyas rgyal mtshan dang / mkhan chen thams cad mkhyen pas mdzad pa'i gsung rab de rnams la lta rtog zhib tu bgyis na/ srung 'khor brag rdzong ma'i man ngag gi skor la bshad sgrub gang byed kyang thogs med kyi blo gros rgyas par 'gyur ba ni kho bos nyams su myong ba lags so/ /gsum pa yang gsang sems kyi gnad la brten nas bsgrub pa la gsum ste/ thog mar gzhi skye med dngos po'i gnas lugs la mkhas pa/ bar du lam dbri bskyed nyams len gyi gnad la mkhas pa/ mthar thug sangs rgyas kyi bstan pa srung ba'i mtshon char gtad pas mngon spyod mchog gi dngos grub tu bsgyur ba la mkhas pa'o/ /'di dag ni brgyud ldan gyi bla ma rnams kyi zhal las byung ba'i man ngag gi tho tsam bkod pa yin la