[A:198a] kha skong gcig dang brgyad bzla bar gsungs pas/ lugs gnyis ka 'khrul med kyi phyag len re re yin no/ /de dag gis ni rje tshar chen gyi mgon po'i chos skor gyi dri ba lhag bsam rab dkar las/ bsnyen pa'i skabs su yi dam bsnyen pa ni/ /ma song na'ang byas pas chog lags sam/ /chog na de yi gsal kha tshad ldan ci/ /mi chog na ni mgon po yi dam ltar/ /bsgrub pa zhes bya bdag bskyed la brten pa/ /'di yi tshig gi nus pa 'chad tshul dang / /don gyi dgos pa gang yin de ltar na/ /yi dam la yang gong bsnyen bzhed lags sam/ /zhes gsungs pa'i dgongs pa'i don yang gsal bar byas pa yin la/ gnyis pa bsgrub pa la gsum ste/ phyi nor bsrung ba gnod sbyin pho mo'i tshul du bsgrub pa/ nang bsad pa gshin rje pho mo'i tshul du bsgrub pa/ gsang ba las mkhan pho mo'i tshul du bsgrub pa'o/ /