[A:194a] dam pas mdzad pa'i man ngag drug cu pa'i yig chung yin nges par snang bas/ des na sa lo chen po'i gsung rab kyi rten gzhi 'di kho na yin pa'i nges shes khyad par can rnyed de/ mgon po'i man ngag drug cu pa'i yi ge rnying ma'i khungs tshad ldan 'di lta bu rnyed pa ni/ bla ma dang chos skyong gi thugs rje dang byin rlabs kho nar nges so snyam pa'i dad pa bcos min rang dbang med par skyes shing / yid dga' bde tshad las 'das pa'i rab dga'i sa thob pa ltar gyur pa lags so/ /de ltar gtor bzlog drug cu pa'i khungs kyi yig rnying tshad thub de nyid rnyed pa la brten/ rje tshar chen gyi dri ba'i gsung gi lan 'debs byed pa'i spobs pa rnyed de/ dpal sa skya pa'i chos skyong rdo rje gur gyi mgon po'i las tshogs gtor ma la brten nas dgra bsad pa'i man ngag drug cu pa'i cho ga dgra bgegs gnad gcod kyi spu gri'i rten gzhi'i yi ge rnying ma'i don rnams dris lan gyi sgo nas legs