[A:38b]pa'i shugs kyis byang chub kyi shing drung na bcom ldan 'das shAkya thub pa bzhugs pa'i spyan sngar phyin te/ lha mo dpon g.yog gis byang chub mchog tu sems bskyed/ bcom ldan 'das kyi zhabs la phyag 'tshal te/ rang rang gi srog gi snying po phul nas bstan pa bsrung bar khas blangs so/ /de nas lha mo dpon g.yog de gnyis kyis/ a su ra'i brag phug ces bya ba ri phug zab mo zhig tu phyin pas/ de na bram ze mchog sred sgrub pa byed pa dang 'phrad do/ /lha mos khyod 'di na ci byed byas pas/ bram ze na re/ sngon yul khams 'di nyid na dge slong bstan pa'i sde dang / dge slong ma dar ma di zhes bya ba gnyis 'khrig pa spyad nas 'dul khrims nyams pa la/ rgyal pos chad pa bcad nas bsad pa skye ba 'phos te/ bdud lam nga dge'u ri dang / ro sha kha da gnyis su gyur te/ yul 'di'i mi phal cher zos/ da ni nga la za res babs pas/ nga bdud de gnyis 'dul ba'i phyir yum