[A:38a]skye ba rnam bzhi'i sems can thams cad zos nas zad pa la thug go /lha mo dpon g.yog gnyis ni bud med kyi rang bzhin du gyur pas/ rtag par 'dod pa'i 'khrig pa spyod pa'i ched du rje mo la khyo lnga/ khol mo la khyo bzhi ste/ rje mo'i khyo lnga ni/ gza' ra hu la/ srin po sgra ldan/ gshin rje ma ru tse/ bdud 'char kha nag po/ klu nA ga kunda li dang lnga'o/ /khol mo'i khyo bzhi ni/ 'byung po dge ba/ bgegs bi na ya ka gnod sbyin yakSha kA la/ rlung wa ya we gdong dang bzhi'o/ /de lta khyo dgu ni dpon g.yog gnyis kyis nyin bar mchan khung du skung zhing sbed/ mtshan mo dur khrod du rgyu zhing rol ba'i sbyor ba byed do/ /de nas lha mo de sngon mar me mdzad kyi bstan pa la sangs rgyas shAkya thub pa'i bstan pa bsrung bar smon lam btab pa'i las 'phros sbrel zhing dge ba spyad