[A:176a] rkyang sgrub rnam gnyis dam pas mdzad par gsal/ /sbags sgrub sa chen mdzad par gsal zhes pa/ /de las 'di nyid ches cher gsal bzhin du/ /rkyang sgrub kho na ched du brjod pa ci/ /dam pa tshad mar byas phyin 'di sbed dam/ /mal los mdzad pa'i bsgrub yig chen mo 'di/ /kha cig bu lung kun rdor gyis mdzad ces/ /smra mod de lta'i log rtog gang la 'khrul/ /dgongs sam kyi hud snyigs ma'i tshul 'di skyo/ /bcu gnyis sbags sgrub dag la sa chen gyis/ /'grub na legs mod 'on kyang dge sbyor gnod/ /gsungs pa'i tshig rigs de tsam yang snang bas/ /'di yi dgongs gzhi gang la dgongs pa yin/ /zhes gsungs pa'i dgongs pa'i don yang gsal bar byas pa yin no/ /gsum pa ngos zin pa'i gdams pa nyams su len pa'i tshul bye brag tu bshad pa la bzhi ste/ gang du nyams su len pa'i gnas/ gang gis nyams su len pa'i