[A:175a] dam pas mdzad par gsal/ /sbags sgrub sa chen mdzad par gsal ba yin/ /zhes dam pas rkyang sgrub mdzad par bshad kyis/ sbags sgrub mdzad par ma bshad pas so/ /rang lugs ni bdag chen kun dbang ba'i gsung rgyun du me 'bar ma'i nang gi sbags sgrub shin tu legs pa 'di 'od ldan dpal gyis mdzad par bdag chen rdo rje 'chang bzhed pa yin no/ /yang kha cig mal lo'i bsgrub yig 'di bu lung kun rdor gyis mdzad pa yin zer ba ni gzhi med kyi 'khrul pa kho na'o/ /gong du bshad pa ltar lha bcu gnyis ma'i sbags sgrub la sa chen gyi 'di 'grub na legs mod/ 'on kyang dge sbyor la gnod/ tshig pa za zhes gsungs pa'i sgo ma bzhi po 'di 'dod pa la chags pa'i rnam pa 'jig rten pa'i tshul 'dzin pa yin pas/ de'i rten 'brel gyis sgrub pa po la tshul khrims 'chal lo zhes pa'i gleng gzhi phran tshegs kyi