[A:173b] mdzad pa gong dang mi 'gal lam/ /des na yab yum lcam sring lcam dral dang / /gtso 'khor sbags sgrub so sor dbye ba dang / /nges tshig gzhung dang mthun pa ji 'dra mchis/ /zhes gsungs pa'i dgongs pa'i don yang gsal bar byas pa yin no/ /de lta bu'i gong gi sbags sgrub de rnams kyi nang nas/ lo chen gyis lcam dral lha gsum la gtso bor mdzad/ brag steng pas bcu gnyis ma la gtso bor mdzad/ bla chen mal los mkha' 'gro lha brgyad sbags sgrub la gtso bor mdzad/ rje sa chen gyis lha bcu gnyis ma 'di bsgrubs na byin rlabs che ba la dge sbyor gzhan la gnod par 'dug gsungs so zhes grags so/ /gnyis pa ni/ mchog tu zab pa ngos bzung ba la/ gong gi sgrub tshul de thams cad kyang khyad par 'phags pa yin mod na'ang / 'di dag rang la ltos te zab khyad 'jog pa'i dbang du byas na/ spyir pho rkyang du sgrub pa nus pa che