[A:144a] /rnam thar bltas pas nges shes skye bar 'gyur/ /des na gangs khrod bstan 'dzin thams cad kyis/ /zhabs la gtugs shing dpal ldan sa skya pa/ /'di ni yongs rdzogs bstan pa'i bdag po zhes/ /snyan grags rgya mtsho'i gos can khyab 'di yang / /skyes chen rnams kyi 'phrin las bstan srung gis/ /bsgrubs las byung bar kho bo nges shes rnyed/ /rnyed pa de yang blo gros mthu las byung / /byung ba 'di la rjes 'jug skal bzang kun/ /kun kyang yid ches gus pa bskyed par rigs/ /gangs ljongs 'di na yongs 'dzin mang yang kun gyi skyabs gnas sa skya pa/ /sa skya pa yi bstan 'dzin mang yang snyigs dus 'gran bral sngags 'chang rje/ /sngags 'chang rje yi rjes 'brangs yang yang brgyud pa zin pa kun dga'i ming / /kun dga'i ming can spyod tshul mang yang kun kyang bstan pa'i bya ba lags/ /gnyis pa de las byung ba'i gdams pa dngos bshad pa la