[A:143b]nyid sa skya'i grub mtha'i rjes 'jug tu/ /khas len bzhin du rje btsun gong ma yi/ /gsung dang 'gal ba'i lta ba 'di 'dod pa/ /'thad pa min zhes rtsod ngag mang du bsgrags/ /'on kyang kun mkhyen de yis gzhan stong gi /lta ba ston byed gsung rab mang brtsams nas/ /sa skyar byon tshe chos rje sa paN gyi/ /na bza' bla gos sku dreg can zhig la/ /mjal bas dad gus chen pos sku chos de/ /zhal du 'jibs shing gsol ba mang btab pas/ /gzhan stong lta ba la zhen thugs 'gyur te/ /de phyin gong ma'i gsung dang mthun pa yin/ /lta ba rang stong skyong la gus pa zhig /byung ba yin zhes bdag gi bla ma gsungs/ /de ltar kun spangs rje dang dol bu ba/ /gdan sa rim par byon la jo nang par/ /grags shing dus phyis nag po spyod pa yi/ /rnam sprul dpal ldan kun dga' grol mchog zhabs/ /dngos slob brgyud par bcas rnams sa skya pa'i/ /rgyud 'dzin 'dres med yin par so so yi/