[A:139a]slob ma zhig la ma 'ongs pa 'byung tshul lung bstan pa bzhin thog tu khel ba byung gsungs shing / yang snga mo'i dus phru ma bsgrub gnas su thugs dam yun ring mdzad dus gnyan mgon zhal bzhi pa kho bo cag gi yab rje grags pa'i mtshan can de nyid kyi rnam pas/ chu snod chen po chab kyis bkang ba phyag na bsnams nas 'byon pa sogs byung gsungs pa ni/ rje nyid la zhing skyong chen pos tshe chu'i dngos grub phul bas sku tshe ring ba'i mthar thug pa'i rten 'brel de dus nas 'grig pa'i dge mtshan rmad du byung ba yin par kho bo sems la/ yang lha sar zhabs skor 'bum ther mdzad dus mnal lam du gser mdog can pa'i mkhan chen shAkya bstan 'dzin pa dang rje nyid lhan cig pas ri mthon po zhig la 'dzegs byon pa'i mod la/ lung bstan khyad par can zhig brnyes 'dug kyang 'dir bri bar ma nus la/ yang lan cig mnal lam du dpal ldan bla ma dam pa dang mjal ba sogs ngo