[A:138a]de ma thag thugs rgyud la bde chen gyi ye shes khyad par can 'khrungs pa snyam byed pa byung gsungs pa ni/ gsal bar ma gsungs pa ma gtogs/ don la dus der rje btsun gyi sku de rje btsun dngos dang / de'i thugs ka nas sprul ba'i ye shes kyi dkyil 'khor gsal bar gzigs nas/ de'i gtso bo yab yum gyis byin gyis brlabs pa'i mod la/ thugs rgyud la dbang gi ye shes khyad par can 'khrungs nges pa'i gsung du 'dug snyam pa kho bo la shar zhing / yang lan cig rje nyid kyi mnal lam du ri mthon po zhig la 'dzegs byon pas/ de'i rtse na brag phug chen po zhig 'dug par phebs pa na/ brag de la zhabs rjes gsal po gnyis 'dug pas/ sus yin gsungs pas/ mi zhig nas chos rgyal 'phags pa'i yin zhu ba la/ de ma thag zhabs rjes las chu bo chen po brdol te rgya je cher song ba la/ rje nyid kyis thugs dad pa chen po dang bcas chu de nas zhal du gsol ba dang / sku khrus mdzad