[A:33b]gri sha gri khrag nal bu'i thod pa dang sha tshil/ nal bu'i pags pa'i rgyal mtshan/ seng ge'i rgyal mtshan zhes bya ba khyi dkar po'i gsob rnams dgos pa'i rgyu mtshan yang de dag gis shes so/ /de nas jo mo bong bu la bzhon/ khol mos sna khrid de rgya mtsho'i khar phyin pas/ de na bya de mo bdun khrus byed pa dang 'phrad pa las/ de mo nag mo gcig lag tu thogs nas rgya mtsho'i khar phyin/ der gshin rje rlung gi 'khor lo can bsgrubs pas zhag bdun song ba na rlung 'tshub nag po gcig mdun du grub bo/ /der lha mo dpon g.yog gis snang srid kyi lha 'dre mthu bo che thams cad dpang du bos nas smon lam 'di ltar btab bo/ /nga yang tshe 'di 'phos ma thag tu gsang sngags kyi grub pa thob cing rgyal ba'i zhal mthong ste/ 'dod pa'i khams kyi dbang phyug mar gyur cig bdag gi bran mo phur pa lha 'di yang 'bangs ka ma lar shog cig bya de