[A:124a]nang gsang ba'i bstan dgra bdud sprul 'ga' zhig gis rje'i thugs rgyud dkrugs tshe/ gsung shugs chen po dang bcas dpal mgon zhal bzhi pa dam nyams bstan dgra 'di zhes bya ba zhal du bzhes shig ces gsungs shing phyag phreng brdabs pa sogs mdzad pa na/ dmigs yul de la lo zla ma 'gyang par rtags byung ba myong bas grub cing yongs la grags pa yin la/ yang skabs 'gar rje nyid dang thugs yid gcig tu 'dres pa'i slob bu 'ga' zhig 'das pa na yang / dpal mgon zhal bzhi pa nga'i mi chung re re gnyis bdag gnyer yang mi yong ba zhes gsung shugs chen pos chos skyong nyid la bka' bkyon pa'i tshul du ma mdzad pa drung na gnas pa rnams las thos so/ /mdor na rdo rje nag po chen po zhal bzhi pa 'di nyid bdag gi bla ma 'di dang mi dang mi lab pa'i tshul gyis bran bzhin du 'khor ba'i rnam par thar ba mang du yod kyang 'dir chos skyong gnyan pas 'bri bar ma nus so/ /