[A:121b]ldir yan zhig pa'i bang rim dang / seng khri man gyi rtsig pa shin tu gsal ba 'dug pa mthong ba'i tshe/ zhabs 'bring pa kun ha las par gyur cing / de nas sa yul der da lta'i rigs gsum mgon po'i mchod rten 'di legs par bzhengs nas phyag nas bkra shis mnga' gsol mdzad pa nas bzung / da lta'i bar du phyogs de nyid nas ser ba sogs kyi rgyun 'byung ba gtan med du gyur pa ni gdan sar gnas pa'i skye bo kun gyi blo yul du gsal ba 'di yin no/ /de lta bu'i 'gran zla dang bral ba'i yongs 'dzin dam pa 'di nyid la/ bdud kyis gnas mal snying la bcas pa'i gang zag 'ga' zhig gis log sgrub brtsams pa de'i tshe sa skya pa'i bstan srung dbang po rnams kyis mngon sum du tshar bcad pa'i tshul ni/ de yang skabs shig gi tshe bstan pa dang rnal 'byor ba la do bsdo ba'i gsang ba'i dgra bo stobs ldan zhig gis log sgrub chen po sgrub par nye ba na/ bdag nyid chen pos chos skyong rnams la