[A:120b]che ba 'di rnams kun spangs drung rang gis 'di phyi'i don kho na la bsams nas dpal sa skya'i sde bstan pa gdung rgyud dang bcas pa'i zhabs 'degs su dmigs nas dge rgyun gyi thebs su gnas 'jags zhus pa yin gsungs nas/ gong nas gnang rten gang yang ma zhus par dad 'bul kho na mdzad 'dug pa/ 'di'ang dam can mon bu pu tras 'phrin las mngon sum du bsgrubs pa'i dge mtshan las gzhan du ma 'das pa'i shin tu ngo mtshar ba'i gnas so/ /gzhan yang zhing skyong dur khrod bdag po dang / dpal ldan dmag zor rgyal mos kyang zhal dngos su bstan pa'i lo rgyus yod mod kyang yi ges 'jigs nas ma spros la/ yang gdan sa 'dir bar skabs shig tu skye bo mi bsrun pa dag gis bsam sbyor ngan pa'i 'khrul 'khor la brten nas lo dgra sad ser ba sogs dus rgyun du byung ba'i tshe/ slob 'bangs rnams kyis gsol ba btab pa'i ngor bdag nyid chen pos bla ma gong ma rnams kyis lo dgra'i gnyen