[A:117a]gnon gyi sgrub gnas gsar du 'debs par mdzad nas/ de'i bdud 'dul phug tu bzhugs dus dkar bdud lcam dral gnyis dang / bud med dmar mo ral pa rting par khebs pa/ lag na zangs kyi zhags pa ring po thogs pa zhig gzigs pa/ phur pa'i srung ma zhig yin pa 'dug gsungs pa sogs mdor na nyi ma re re'i nang du yang chos skyong gi rnam 'phrul mtha' yas pa zhig gzigs par gdon mi za zhing mthu stobs dang nus pa'i mnga' bdag tu bzhugs so/ /bdag nyid chen po de nyid kyi gcung / bdag la bka' drin mchog tu che ba'i yab rje sbas pa'i sangs rgyas sngags 'chang rgyal ba'i rgyal tshab sems dpa' chen po grags pa'i mtshan can de nyid la bka' srung khyad par can rnams kyis zhal bstan cing pho nya dang mngag gzhug mdzad pa'i tshul ni/ rje nyid sku gzhon nu'i dus dpal sa skya'i chu mig rdzing ga'i bla brang bde mchog pho brang du dpal kyai