[A:106b]de nyid kyi tshe sngags 'chang chos kyi rgyal po gdan sa chen por ma bzhugs pa'i skabs shig yin pa la brten nas/ lha khang chen mo nyid na rgyal yum sku mched kyi phyag phyir gdong dga' ba dpon sa dpon du grags pa yod pas/ byang zhen byas nas lha sa rdzong pa'i rgyab tu byang dpung co rir yod pa la mi btang ba sogs kyi dbang las rgyal rtse nas dpung chen gyis lha sa rdzong la hod 'tshangs gnang ma bde ba'i tshe/ sde srid rnam par rgyal ba'i gsung gis/ dam nyams bsgrub pa de gnyis dang / gdong dga' ba rgad po de'i byed pa la brten nas bsam pa rdzogs pa zhig ma byung / zhes kyang gsungs par grags shing / skabs der sngags 'chang chos kyi rgyal po nyid slar gdan sa chen por phebs pa na yang gzhir bzhugs thams cad la dgongs par ma bde ba tsam dang / khyad par gdong dga' ba rnams la sa skyar yong mi dgos pa'i bka' stsal sogs kyang phebs pa yin no zhes thos la/ 'on kyang der skabs shar ga nas dpung chen gyis bstan dgra lha sa rdzong pa'i 'og tu