[A:104a]bka' gnang nas/ zhal gyen du cung zad gdangs tshul gnang bar/ gzim g.yog pas dngul skyem btegs nas zhal du zhus pa na/ chu sbugs su chu 'gro ba ltar bde bar khyu ru ru 'gro ba'i ngos dngul skyem gang po zhal du rdzogs par gsol te/ sku la ma bde ba'i nyams sogs gnod pa cung zad kyang med pa/ chab bsang pa tsam yang mi dgos pa sogs rgya gar grub chen rnal 'byor dbang phyug gis yul khams bco brgyad kyi chang dus gcig la zad par gsol yang myos pa med pa la sogs pa'i rnam thar dang mthun pa'i grub pa'i rtags mtshan de lta bu mngon sum du ston par mdzad cing / de nas sngags 'chang bla ma de nyid kyis thong lcags su phebs nas/ de nyid kyi mgon khang na sngon bdag chen blo gros rgyal mtshan pas las sbyor gnang ba'i drag po'i 'brub khrung lingga sngags can mdze thod kha sbyor/ drag po'i thun sogs bcas tshang ba yod pa dang / drag po'i