[A:103a]'chang chos kyi rgyal pos phyag gnyis kar gyis phyag dbang gnang nas/ dpral ba mthil zhal la thug gi bar gnon par mdzad song pa'i tshe/ sgar pa de shin tu 'jigs shing dpa' khongs gdong rngul 'dzag cing 'dar zhing dngangs pas phyir thon par gyur cing / de nyid kyi mgo la sngags 'chang nyid kyis bka' stsal pa bzhin gyi tim pa'i thum byas pa'i bsrung ba zhig btags 'dug go zhes kyang thos la/ de nyid kyi nub mo sde srid bsod nams lhun grub nyid sngags 'chang nyid kyi drung na bzhugs yod pa'i tshe/ thugs dam gtor ma'i rtse mo chad byung ba na/ de nas cung zad song ba'i tshe tsheg sgra dang me stag khrom khrom byung ba'i mtshams/ gtor ma nas me 'od chad de g.yab khra'i phyir song ba na/ phyag g.yog sogs phyi na yod pa rnams kyi bsam pa la gzim khang gi nang la me shor bar 'dug snyam nas g.yab khra'i nang du tab tob tu sleb par gyur cing / de nas me de nam mkhar 'thor