[A:101b]la gnag pa'i byang pa'i dpon rigs/ rin spungs pa'i zhal ngo dpon blon rnams kyi ming rus sogs dang / rgyal mkhar rtse pa'i zhal ngo rnams kyi ming rus dang / lhag par sngags 'chang chos kyi rgyal po'i mtshan byang 'jug par byas te/ rig 'dzin chen po khong gi kha chems yin zer nas mthu byas pa'i lugs su byas shing bkras stobs pa rang nyid kyi tshe bdag mchod rten bcas chog sogs sna tshogs byas so zhes thos shing / de de'i skabs nas sngags 'chang chos kyi rgyal po nyid/ chos rgyal bsod nams lhun grub pa sku mched rnams kyis rgyal mkhar rtser spyan drangs te phyag nas legs par phebs nas/ de skabs su bstan pa dang sbyin bdag rnams la dgongs nas/ rtse rgyal mgon khang du gur zhal 'khor bcas kyi rtag gtor 'dzin gtor yang 'dzugs par gnang ba yin no zhes kyang thos la/ gzhan yang sde srid zhal ngo rnams kyi sku rim du rdo rje phur pa'i gtor bzlog cig kyang gnang bar mdzad cing / de dus rgyal