[A:99a]gnang zhing / mkhan chen dpal ldan bzang po la pu tra'i gtor ma 'phen par bka' stsal/ gzhan yang bsnyen song nus pa che ba rnams la bdud rgyal dang spyi gtor 'phen par bka' phebs shing / zor las pa rnams kyis so so'i bsnyen pa kha gso dang / gtor bsngo skabs dmod bcol sogs rang rang gi bsam pa rnam par dag pas kun nas bslangs te gang grub gyis shig ces bka' gnang bzhin legs par grub pa dang / de nas dus mdos dngos gzhi'i dus su chos skyong gi 'cham mgon spyan 'dren par mdzad pa yang 'phags pas phyag nas gnang ba hor bzlog mgon por grags pa lcam dral dang / bzhi thog pa mkhas btsun chen pos byang pa ta dben bsgral dus chos skyong gi lung bstan bzhin bzhengs pa'i byang 'dul mgon por grags pa sogs ye shes pa bzhugs nges pa'i shin tu gnyan pa'i 'cham mgon lcam dral bdun spyan 'dren par mdzad de/ de'i 'khor du ru 'dren gyi tshul gyi skyes pa go mtshon can rnams dang /