[A:98a]mthu gtad bung che ba rgyun bsrings nas byas te/ mdor na sgo du ma nas bdag nyid chen po la zhabs 'dren gyi tshogs nus gang thon byas pa na/ sa skya pa la gus zhen yod pa'i sde dpon rigs la sogs pas 'di bzhin byed par 'dug tshul sngags 'chang chos kyi rgyal po'i drung du zhus pa na/ sngags 'chang nyid kyi gsung las/ kho rang tsho de bzhin ci byas kyang nga'i ba spu yang g.yo bar mi nus mod/ 'on kyang sde bstan pa gdung rgyud dang bcas pa dang / khyad par chos skyong la yang brnyas par 'gyur ba 'dug pas/ lan du rtags thon pa rang zhig byed pa yin no zhes zhal bzhes gnang ste/ de nas bzung ste sngags 'chang nyid kyis dgong phyogs bskang gso rgyun pa'i tshe/ zor gtor khrag byugs pa bzhi re bskang gtor gyi mdun du bshams par mdzad de/ thugs dam drag bskul rnga shon dang bcas pa gnang ba dang bstun nas mchod g.yog pa res mi rkang g.yab dar dang bcas pa dang / gzhan ma phyag g.yog res gong gi