[A:87a]pos gzigs pa na bse mgon chen po rang nyid kyis phyag gnyis dkrug cing thugs kar steng 'og tu ma bsgrigs rang 'grig tu byung bas/ sngags 'chang nyid thugs lhag par dgyes par gyur cing / sku 'khor ba rnams kyang mchog tu ngo mtshar du gyur pa yin no/ /'di'i tshul rnams sngags 'chang nyid kyis ye shes mgon po la che brjod kyi gsung mang po dang bcas yang yang bka' stsal pa yin no/ /zhes 'jam mgon grub pa'i dpa' bo dbang po'i mtshan can gyi gsung las thos pa lags/ yang bzhi thog mgon khang gi zhig gsos kyi skabs/ de dang dus mtshungs par rta jag par grags pa'i ngan pa 'ga' zhig gis bla brang gi ba phyugs rnams bsam gling dgon par yod pa jag pas khyer ba la/ sngags 'chang nyid thugs 'khrugs te bzhi thog mgon khang du byon nas/ byang 'dul mgon po'i sku la phyag mdzub bsnun zhing / khyod chos skyong