[A:85b]de'i mod la sa rdo thams cad bar snang la 'thor nas 'bum thang gi shar nub dang lho phyogs kyi skor lam sogs su slebs te/ las mi thams cad nyes skyon las grol bar brten kun kyang ya mtshan du gyur pa'i skabs/ sngags 'chang bla ma nyid kyis gzigs rtog la phebs pa na/ sa rdo rnams kyi khrod nas shing leb ring thung khru gang tsam zhig gi ngos la/ shing brkos legs po rang min pa'i yi ge dbu chen phral le ba gsal po min pa zhig 'dug pa la/ sngags 'chang nyid kyis 'di legs par khrus shig gsungs pa bzhin/ sku 'khor ba rnams kyis legs par bkrus nas yi ge de nyid bklags pas/ da lta'i zug rgyab pa 'di ni mahA kA la'o/ /zer ba 'dug pa bdag nyid chen po la de'i tshul zhus pas/ he he de nga la zer ba yin pa 'dra zhes gsungs pa de dus kyi skye bo kun la rlung ltar grags pa yin la/ yang sgo rum gzim spyil dkar po'i zhig gsos