[A:82b]nyid de la dngos su thim pa yin zhes 'jam pa'i dbyangs sku mched kyi gsung las thos so/ /yang dben gnas de nyid du sngags 'chang yab sras dpon slob nyung shas shig gis mgon po drug cu pa'i gtor bzlog cig mdzad pa'i tshe/ kyai bos so'i bskul tshugs pa na/ phyag g.yog las dag pa gnyis kyi mthong snang la/ byas 'gyur gyi bla brang nub kyi nam mkhar mi nag dung lo can gnyis gros byed pa'i tshul gyis/ nged rang tsho thog mar rin spungs la phyin/ de nas lha sa rdzong la phyin pa drag pa 'dug zer ba mngon sum du mthong zhing / de dus dbu zhwa zhwa nag gi tshab tu tsa ru nag pos nang byas pa'i dbu zhwa chung ngu zhig phyir slog tu bzhes pa la kha btags nag khra'i sked chings dang bcas pa zhig mdzad pa yin zhes kyang thos la/ gzhan yang zhing skyong dur khrod kyi bdag po yab yum yang gar 'cham dang bcas dam nyams lha sa rdzong pa la mngon spyod kyi las mdzad pa gzigs snang la shar ba bzhin/ da lta rdo rje phur pa'i sgrub mchod