[A:81b] ta lar bzhugs pa'i skabs shig dge slong rin chen rnam grol zhes bya ba'i sngags 'chang nyid kyi zhabs 'bring pa chen po des gsol ba btab pa'i ngor/ gnam kha'u pa'i gzigs snang ma ltar zhal bzhi pa zhig sngags 'chang nyid kyis phyag bris mdzad pa na/ de'i rab gnas kyi tshe sku 'khor ba rnams kyi mthong snang la/ a tsA ra mdog sngo ba zhig gzim chung du song ba mthun grub tu mthong zhing / sngags 'chang nyid kyi gzigs snang la zhal bzhi pa yum chen bzhi dang bcas pa rngam brjid dang ldan pa zhig bris sku la mngon sum du thim pa'i snang ba byung zhes sngags 'chang nyid kyis thugs sras rgyal tshab dam pa 'jam pa'i dbyangs sku mched la gsungs pa las brgyud de bdag gis thos so/ /yang po ta la de nyid du bzhugs skabs shig nangs gcig thun gtor phul ba'i rjes su/ grags pa zer ba'i ban chung zhig yod pa des zhabs drung du 'ongs pa na gzims chung gi 'gag gi skas 'gor/