[A:79b] 'dzin thams cad kyis skyes chen 'di'i ngo mtshar ba'i rnam thar rnams kun la ngom pa'i tshul gyis sgrogs pa zhig byung bar snang la/ sa skya pa'i bka' srung rnams kyis dngos su zhal bstan tshul ni/ byas 'gyur rdo rje'i brag rdzong du sbas pa'i rnal 'byor chen po 'phags chen nyid las/ gur gyi mgon po'i nang khrid zab mo gsan par mdzad de thun bzhir bcad de thugs dam la rtse gcig tu mdzad pa na/ gur gyi mgon po lha brgyad/ ser nag zangs gri can/ ru 'dren sde bzhi dregs pa'i 'khor dang bcas pa rnam 'gyur sna tshogs pa dang bcas pa'i sgo nas yang nas yang du gsal bar gzigs shing / 'phrin las thams cad thogs med du bsgrub par zhal gyis bzhes pa yin no/ /zhes kyang thos la/ don gyi dbang de dag la dgongs nas sngags 'chang nyid kyis mdzad pa'i gur gyi mgon po'i khrid yig chen mo gzhan phan rgyas byed kyi sbyar byang las/