[A:77a] bo sems so/ /yang sa lo 'jam pa'i rdo rje'i thugs sras snyigs ma'i dus kyi sa skya pa'i bstan pa'i gsal byed dam pa sngags 'chang chos kyi rgyal po ngag dbang kun dga' rin chen bkra shis grags pa rgyal mtshan dpa' bzang po de nyid ni/ nges pa kho nar ston pa thams cad mkhyen pa'am khyab bdag rdo rje 'chang chen po dang thugs rgyud gcig gis bsdus pa yin mod kyang / gdul bya'i snang ngor phyag na rdo rje dang / kun tu bzang po dang / nyan thos chen po kun dga' bo dang / lo tsA ba bai ro tsa na dang / chos rje sa skya paNDi ta rnams su sprul pa'i sku rim par bstan nas bstan pa dang sems can gyi don mtha' yas pa zhig mdzad de/ mthar shar phyogs mngon par dga' ba'i zhing khams su de bzhin gshegs pa dri ma med pa'i dpal zhes bya bar sangs rgyas pa'i tshul bstan pa de nyid/ slar yang snyigs ma'i dus