[A:28a]dpal zhes bya bar sangs rgyas shing / de'i khol mo re ma ti ni zhing khams der byang chub sems dpa' blo gros bshes gnyen zhes bya bar 'gyur bar bshad do/ /zhing 'dir bstan pa'i srung mar gyur pa'i tshul ni/ mgon po'i lo rgyus su bshad pa ltar/ lha dbang phyug chen po dang / lha mo u ma de wa'i bu tsha ming sring du gyur pa'i sring mo lha mo tsa muntri zhes bya bar gyur nas/ lha ma yin thams cad bsad cing pham par byas pa'i sgrib pa sbyong ba'i slad du/ ri khrod chen po mda' dga' ba zhes bya bar/ shing ri khrod ces bya ba'i lo ma gos su gyon nas/ lo bdun 'phags pa mi pham pa'i gzungs bzlas pas/ lha mo parNa sha ba ri ri khrod lo ma can zhes bya bar grags/ rgyu mtshan des na lha mo'i bstod par/ mi nad gang yin khyod ming shes/ /de la 'jigs pa med par mdzad/ /ces gsungs pa ltar/ zhi ba'i tshul 'dzin pa ri khrod lo ma can