[A:27b]shAkya thub pa ni dge slong dbang phyug dpa' bo zhes bya bar gyur/ dge slong de lha mo des mchod gnas su bsten cing sdig pa bshags nas/ zhing 'dir ston pa dang bstan srung du gyur pa'i smon lam lhan cig la btab bo/ /de ltar sangs rgyas de dag gi ring la las bsags shing smon lam btab pa'i rnam par smin pa sangs rgyas shAkya thub pa'i bstan pa 'di la dus gcig la smin pa yin no/ /de yang dang por dge ba bcu spyad pas mahA de wa'i bu mor skyes/ bar du zhe sdang spyad pa'i mthus srin po'i chung mar gyur/ tha mar sdig pa bshags shing smon lam btab pa'i mthus/ da lta 'dod khams kyi dbang phyug mar gyur nas/ sangs rgyas shAkya thub pa'i bstan pa srung ba yin no/ /bstan pa bsrung ba'i bya ba rdzogs pa'i rjes su byang shar mtshams kyi 'jig rten gyi khams me tog rnam par rol ba'am/ padmo rnam par rol pa'i zhing khams su de bzhin gshegs pa padmo dam pa'i