[A:70b] ga shin tu rgyas pa'i sgo nas bka' drin chen pos gnang / de dus kyang lha mo dngos su gtad pa tsam gyi nges shes dang yid ches pa byung / gong gi mngon spyod kyi ltas byung ba'i rjes nub mang po'i bar sdig pa dag pa'i rmi ltas ches che ba ji snyed cig byung bas/ lam thams cad kyi nang nas lam zab mo bla ma'i rnal 'byor 'di ka zab pa la nges shes khyad par can me 'bar ba la shing bsnan pa lta bur gyur ces 'byung ba yin la/ yang mkha' 'gro ma rnams kyis mnal lam du bskul nas rje rdo ring pa'i rnam thar mdzad pa'i tshe/ mthar phyin par nye ba na/ dpal ldan lha mos rnam thar de'i chos bdag mdzad par zhal gyis bzhes pa'i tshul ni/ de'i lo rgyus kyi yi ge rje nyid kyi phyag bris ma las 'di skad 'byung ste/ kho bo thub bstan dge 'phel na yod pa'i skabs shig rmi lam du zla ba dang po la skyes pho mo mang po 'tshogs nas sgron me khur nas rdo ring kun spangs pa'i grwa